Të paktën pesë pjesetare amerikan u plagosën në një sulm në një bazë ushtarake në Irak, thanë tre zyrtarë amerikanë për Reuters, ndërsa shqetësimet në rajon rriten pas vrasjes javën e kaluar të anëtarëve të rangut të lartë të grupeve militante Hamas dhe Hezbollah.Zyrtarët, duke folur në kushte anonimiteti, thanë se sulmi i supozuar me raketa ndodhi në bazën ajrore Al Asad në Irak. Ata iu referuan informacioneve fillestare që ata thanë se mund të ndryshonin.
“Personeli i bazës po kryen një vlerësim të dëmeve pas sulmit”, shtoi një nga zyrtarët.
Dy raketa të tipit Kaćusha u hodhën në bazën në Irakun perëndimor, thanë burimet e sigurisë. Një burim sigurie tha se raketat kishin rënë në bazë.
Javën e kaluar, SHBA-ja nisi një sulm në Irak duke synuar individë për të cilët zyrtarët amerikanë thanë se ishin militantë që përgatiteshin të lëshonin dron dhe përbënin kërcënim për forcat e SHBA-së dhe koalicionit.
SHBA po përgatitet të hakmerret kundër Iranit pas vrasjes së liderit të Hamasit Ismail Haniyeh në Teheran. Nuk është e qartë nëse sulmi ishte i lidhur me kërcënimet e Iranit për t’u hakmarrë për vrasjet.
Trupat amerikane, të cilat kanë qenë të pranishme në Irak më shumë se 20 vjet pas pushtimit, kanë qenë objektiv i sulmeve të ngjashme nga grupet e armatosura të lidhura me Iranin që nga tetori i kaluar. Ushtria amerikane në Siri ka qenë disa herë objektiv i sulmeve të ngjashme.
Pentagoni tha se do të vendosë avionë luftarakë shtesë dhe anije luftarake detare në Lindjen e Mesme ndërsa Uashingtoni kërkon të forcojë mbrojtjen pas kërcënimeve nga Irani dhe aleatët e tij Hamas dhe Hezbollah.
