Kryetari i komunës së Skenderajt Fadil Nura ka vizituar familjen Shatri nga fshati Llaushë e Skenderajt, shtëpia e të cilëve ditë më parë ishte djegur e gjitha.
Nëpërmjet një postimi në faqen zyrtare në rrjetin social ‘Facebook’, Nura ka njoftuar se arsyet e djegies së shtëpisë ende janë të panjohura, derisa thotë se nuk ka pasur asnjë të lënduar nga ky rast.
Nura shton se si komunë do të ndërmarrin veprime për t’i mbuluar shpenzimet e qirasë për banim të përkohshëm të familjes Shatri.
“Si Komunë kemi ndërmarrë veprimet e menjëhershme për të mbuluar shpenzimet e qirasë për banim të përkohshëm, derisa të bëhet i mundshëm kthimi në shtëpinë e re,” ka shkruar Nura. /Kosovatimes/
