Të paktën nëntë persona humbën jetën dhe 26 të tjerë u plagosën kur një autobus pasagjerësh u përplas me një shtyllë ure në lagjen Polatsli, afër kryeqytetit turk, Ankara.
Sipas informacioneve të marra nga gazetari i AA-së, drejtuesi i autobusit i cili po udhëtonte në linjën Izmir-Agri ka humbur kontrollin e mjetit, pas së cilës autobusi ka dalë nga rruga dhe ka përplasur një shtyllë të urës.
Zjarrfikësit dhe shërbimet e shpëtimit dolën në terren dhe arritën të shpëtonin të ngecurit në autobus, të cilët u transferuan në spitalet aty pranë.
Murat Turkoglu, drejtuesi i makinës pas autobusit në momentin e aksidentit, tha se po shkonte drejt Polatli.
“Kemi nisur bashkë nga Temelli, kemi qenë herë pas here pas njëri-tjetrit. Autobusi po shkonte pak më shpejt, filloi të lëkundet tre deri në katër kilometra përpara vendit të aksidentit, më pas goditi urën. Copa që fluturonin nga autobusi goditën makinën tonë. Ne sinjalizuam me drita dhe sirenë, por ata nuk dëgjuan ”, tha Turkoglu.
