Trupi i pajetë i Faton Hajrizit tashmë është dorëzuar në Institutin e Mjekësisë Ligjore për të bërë ekspertizën e nevojshme.
Sipas burimeve, procedurat duhet të bëhen me komision si edhe priten dokumentet dhe raporti i autopsisë nga Serbia.
“Sipas të gjitha gjasave shtyhet për javën tjetër. Duhet të bëhet me komision. Paraprakisht duhet me na i dorëzu dokumentet Serbia. Raportin e tyre të autopsisë”, bëjnë të ditura burimet.
Avokati i familjes Hajrizi, Arianit Koci para mediave konfirmoi se misioni tashmë është kryer, dhe se trupi i është dorëzuar organeve përgjegjëse në Kosovë.
Faton Hajrizi u vra më 19 korrik në afërsi të kufirit mes Serbisë dhe Bosnjës. Një ditë më herët, ai dyshohet se ka vrarë një polic serb dhe ka plagosur një tjetër.
Ai ishte arratisur nga Qendra Korrektuese e Smrekonicës më 6 korrik.
