Raportuesja speciale e OKB për Palestinën: “Izraeli po kryen gjenocid kundër palestinezëve”

Raportuesja Speciale e Kombeve të Bashkuara (OKB) për Palestinën, Francesca Albanese, akuzoi Izraelin për kryerjen e gjenocidit në Gaza.

Në një postim në rrjetin social X, Albanese e quajti Gazën kampin më të madh dhe më të turpshëm të përqendrimit të shekullit të 21-të.

“Izraeli po kryen gjenocid kundër palestinezëve një lagje në një kohë, një spital në një kohë, një shkollë në një kohë, një kamp refugjatësh në një kohë, një zonë të sigurt në një kohë,” tha Albanese.

Komentet e saj pasuan sulmin e mëngjesit të sotëm në të cilin ushtria izraelite bombardoi shkollën Al-Taba’een në lagjen Al-Daraj të Gazës. Autoriteti Palestinez raporton se të paktën njëqind palestinezë u vranë në sulm.

Albanese vuri në dukje përdorimin e armëve amerikane dhe evropiane në sulmet izraelite, duke shprehur shqetësimin, siç tha ajo, për qëndrimin indiferent të të gjitha kombeve të qytetëruara ndaj situatës në Gaza.

“Le të na falin palestinezët për paaftësinë tonë kolektive për t’i mbrojtur ata, duke respektuar kuptimin më themelor të së drejtës ndërkombëtare”, përfundoi Albanese, raporton Anadolia.