Prishtina ka shtuar opsionet e sulmit, duke transferuar Ronald Sobowale.
Ka qenë vetë klubi i kryeqytetit që ka njoftuar për lëvizjen, ndërsa futbollisti, duke e quajtur Prishtinën klub të madh, ka thënë se nuk do të kursejë asgjë nga vetja.
“Besoni, jam shumë i lumtur që më fund u lirova dhe jam pjesë e Prishtinës. Klub i madh, energji pozitive, jam shumë optimist që mund t’i ndihmoj skuadrës me atë që di më së miri, të shënoj gola. Për mua është një fillim i ri dhe dua të jap gjithçka nga vetja”, ka thënë Sobowale.
Sulmuesi më herët ka luajtur te Malisheva dhe te Laçi.
