Danimarka ka triumfuar ndaj Gjermanisë me rezultatin bindës 39-26, duke fituar medaljen e artë në finalen e hendbollit për meshkuj në Lojërat Olimpike Paris 2024.
Gjermania, e cila nuk ka mundur ta përballonjë furinë daneze, do të kthehet në shtëpi me medaljen e argjendtë. Ndërkohë, më herët, Spanja e ka mposhtur Slloveninë me rezultatin e ngushtë 23-22 për të siguruar medaljen e bronztë.
Nën udhëheqjen e Mathias Gidsel, i cili shënoi njëmbëdhjetë gola dhe ka humbur vetëm dy goditje, Danimarka ka siguruar medaljen e saj të dytë të artë olimpike në hendboll. Ndërsa, kjo është medalja e parë olimpike për Gjermaninë në hendboll për meshkuj që nga Lojërat Olimpike të Rio 2016, kur ata përfunduan në vendin e tretë.
Me këtë fitore, Danimarka bëhet kampionia e tretë botërore në fuqi që arrin të fitojë medaljen e artë olimpike, pas Kroacisë në vitin 2004 dhe Francës në vitin 2012.
