Ekipi i fushatës së kandidatit republikan për president Donald Trump njoftoi mbrëmë vonë se kishte qenë objektiv i një sulmi hakerimi dhe akuzoi “burime të huaja” për akses në komunikimet e brendshme.
“Këto dokumente janë marrë në mënyrë të paligjshme nga burime të huaja armiqësore ndaj Shteteve të Bashkuara me qëllimin për të ndërhyrë në zgjedhjet e vitit 2024 dhe për të bërë kërdi në procesin tonë demokratik”, tha zëdhënësi i fushatës së Trump, Steven Cheung.
Cheang vuri në dukje një raport incidenti të raportuar nga Microsoft së fundmi që thoshte se hakerët iranianë “i dërguan një mesazh phishing në internet në qershor një zyrtari të lartë të fushatës presidenciale”.
