Shtetet e Bashkuara të Amerikës kanë fituar medaljen e artë në basketbollin për femra në Lojërat Olimpike Paris 2024, duke mposhtur Francën me rezultat 67-66 në finalen e zhvilluar të dielën.
Ndeshja ka qenë tepër e ngushtë dhe është vendosur në minutën e fundit të lojës.
A’ja Wilson ka qenë e pandalshme për ShBA-në, duke shënuar njëzet e një pikë, duke kapur trembëdhjetë topa dhe duke bllokuar katër gjuajtje. Nga ana tjetër, Williams ishte e jashtëzakonshme për Francën, duke shënuar nëntëmbëdhjetë pikë, duke kapur shtatë topa dhe duke bërë tri vjedhje.
Medalja e argjendtë i ka takuar Francës, ndërsa Australia e ka siguruar medaljen e bronztë pasi e ka mundur Belgjikën në ndeshjen e mëparshme të ditës.
Edhe finalja e mbrëmshme në kategorinë e meshkujve ka qenë mes ShBA-ve dhe Francës, ku poashtu ShBA-të në fund kishin dal fitues.
