Është bërë hapja zyrtare e Kampionatit Evropian U18 të hendbollit, i cili po mbahet në Prishtinë. Ceremonia ka ndodhur para ndeshjes mes Belgjikës e Kosovës.
Nënpresidenti i Federatës së Hendbollit të Kosovës, Enis Idrizi, dhe përfaqësuesja e Federatës Evropiane të Hendbollit, Leonor Mallozzi, teksa kanë folur në ceremoni u kanë uruar suksese kombëtareve pjesëmarrëse, duke shpresuar që përvoja në Prishtinë të jetë e vlefshme për të gjithë lojtarët e rinj.
