Trajneri i Atalantas, Gian Piero Gasperini, e konsideron të jashtëzakonshme mundësinë që skuadra e tij të ndeshet me Real Madridin në Superkupën e UEFA-s.
Ndeshja zhvillohet këtë të mërkurë në Varshavë. Real Madrid arriti në këtë finale pas fitores ndaj Borussia Dortmund në Champions League, ndërsa Atalanta triumfoi kundër Bayer Leverkusen për të siguruar vendin e saj në këtë përballje historike.
“Ne duam të bëjmë një përshtypje të mirë kundër më të mirëve në botë në momentin më të lartë në historinë e këtij klubi. Është një çështje krenarie. Është e jashtëzakonshme për këtë qytet të luajë kundër ekipit më të suksesshëm në botë, deri vonë do të kishte qenë e paimagjinueshme”, është shprehur Gasperini.
