156 urdhëresa të gjykatës, prej tyre 54 urdhëresa për vepra penale dhe të tjerat për kundërvajtje, seanca, verifikime etj, janë realizuar gjatë javës së kaluar në lokacione të ndryshme e aksione të ndara nga zyrtarët policor të rajonit Prishtinës. Si rrjedhojë, janë sekuestruar 16 armë zjarri të llojeve dhe kalibrave të ndryshëm.
Përmes një njoftimi për media, Drejtoria Rajonale e Policisë në kryeqytet, ka bërë të ditur se konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa.
“Ndërkaq, në po të njëjtën periudhë kohore, në sferën e sigurisë në trafikun rrugor janë shqiptuar 4541 masa administrative me gjobë për lloje të ndryshme të kundërvajtjeve dhe shkeljeve të kodit rrugor”, thuhet në njoftim.
