Milan ka afruar mbrojtësin brazilian Emerson Royal nga skuadra e Premier League, Tottenham Hotspur, me një kontratë që zgjat deri në qershor të vitit 2028, me mundësi për një vit shtesë, ka njoftuar klubi i Serie A të hënën.
Detajet financiare nuk janë bërë të ditura nga asnjëra palë, por sipas mediave britanike marrëveshja kap vlerën e rreth 15 milionë eurove plus tre milionë euro bonuse të mundshme.
Emerson, i cili është ftuar dhjetë herë nga kombëtarja e Brazilit, iu bashkua “Spurs” në vitin 2021 nga klubi spanjoll Barcelona. Ai gjithashtu ka luajtur për Atletico Mineiro në Brazil, pasi fillimit të karrierës te Ponte Preta.
