Kompania Rajonale e Ujësjellësit “Bifurkacioni” ShA, e cila menaxhon komunën e Ferizajt, Kaçanikut dhe Hanit të Elezit ka njoftuar për mungesë të ujit për shkak të rritjes së temperaturave dhe rënies së sasisë së ujit në burime.
KRU “Bifurkacioni” ka theksuar se ky është një moment i vështirë për të gjithë dhe se kërkojnë mirëkuptim.
“Ne jemi duke punuar intensivisht për të minimizuar ndikimin e kësaj situate dhe po marrim masat e nevojshme për të siguruar që uji të shpërndahet në mënyrë të barabartë. Ju lutemi të përdorni ujin me kujdes dhe vetëm për nevojat më të domosdoshme” ka shkruar KRU “Bifurkacion” në faqen e saj zyrtare në ‘Facebook’.
