Një lajm i rrejshëm i publikuar nga portali boshnjak “Slobodna Bosna” më 22 ditë më parë, ku akuzoheshin dy media kosovare, Nacionale dhe Periskopi, se financohen nga Serbia, është demantuar.
Pas reagimeve të shumta dhe një paralajmërimi për padi nga Nacionale, portali boshnjak e ka ndryshuar artikullin, duke fshirë të gjitha referencat për këto media dhe Kosovën.
Avokatja e Nacionales në Bosnje dhe Hercegovinë, Jovana Kisin, ka konfirmuar se akuzat janë tërhequr dhe se portalit i është kërkuar të publikojë një demant.
Ndërkohë, Nacionale ka ndërmarrë hapa ligjorë edhe kundër RTK-së, e cila kishte transmetuar lajmin e rrejshëm pa verifikim. /Kosovatimes/
