Kryeministri i Kosovës, Albin Kurti, ka thënë se gjatë javëve në vijim Ministria e Ekonomisë dhe Fondi Kosovar për Efiçiencë të Energjisë do të hapin thirrje për subvencione direkte për t’i ndihmuar familjet që të investojnë në ngritje të efiçiencës së energjisë në shtëpitë dhe banesat e tyre.
“Për të mësuar më shumë informata rreth thirrjeve, vizitoni uebfaqet e Ministrisë së Ekonomisë e të Fondit Kosovar për Efiçiencë të Energjisë të cilat do t’i publikojnë të gjitha informacionet e nevojshme ditëve në vazhdim”, ka shkruar Kurti në ‘Facebook’.
