By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Armenia arreston kryepeshkopin për komplot të dyshuar për grusht shteti
June 25, 2025
Arrestohet një person për falsifikim të parasë
June 25, 2025
Trumpi thotë se `javët e fundit është marrë me Kosovën dhe Serbinë`
June 25, 2025
Policia e Kosovës kërkon anëtarësim të plotë në SEPCA
June 25, 2025
Ambasada gjermane mbështet protestën e Shoqërisë Civile te Kuvendi RTKlive
June 25, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Beogradi i kërkon shpjegim Shkupit për arratisjen e Ramadanit
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > Beogradi i kërkon shpjegim Shkupit për arratisjen e Ramadanit
Lajme

Beogradi i kërkon shpjegim Shkupit për arratisjen e Ramadanit

Kosova Times
Last updated: 2024/08/15 at 3:28 PM
Kosova Times Published August 15, 2024
Share
SHARE

Ministri i Punëve të Brendshme të Serbisë, Ivica Daçiq, njoftoi se Beogradi kërkon shpjegim nga autoritetet e Maqedonisë së Veriut lidhur me ikjen e Blerim Ramadanit, i cili ishte arrestuar nga autoritetet maqedonase në bazë të një fletarrestimi të INTERPOL-it, të lëshuar me kërkesë të Serbisë.

Daçiq e cilësoi si “skandaloz” ikjen e Ramadanit nga arresti shtëpiak në Maqedoninë e Veriut.

“Ai është pjesëtar i UÇK-së, i cili ka kryer krime kundër serbëve në Kosovë, të cilin Serbia po e kërkon në mënyrë që të përballet me gjyq”, tha Daçiq, sipas njoftimit të Ministrisë së Punëve të Brendshme të Serbisë.

Ish-pjesëtari i Ushtrisë Çlirimtare të Kosovës u arratis nga arresti shtëpiak nga shtëpia e të afërmve të tij në Maqedoninë e Veriut. Ai ishte arrestuar muajin e kaluar nga autoritetet maqedonase në kufirin mes Kosovës dhe Maqedonisë së Veriut, në bazë të fletarrestimit të lëshuar nga Serbia.

Ramadani u arrestua më 17 korrik në pikëkalimin kufitar Jazhincë – që lidh Kosovën dhe Maqedoninë e Veriut – në bazë të një fletarrestimi të lëshuar nga Gjykata në Beograd, përmes INTERPOL Serbia, nën akuza për krime lufte.

Më 1 gusht, një gjykatë maqedonase urdhëroi që Ramadani të dërgohej nga paraburgimi në arrest shtëpiak dhe, sipas vendimit, ai është dërguar në një adresë në Shkup.

http://199.192.21.43/2024/08/15/arratiset-nga-arresti-shtepiak-ish-pjesetari-i-uck-se-blerim-ramadani/

Ai ishte paraparë të qëndronte në arrest shtëpiak deri më 16 gusht.

Autoritetet serbe e akuzojnë Ramadanin se ka kryer krime lufte në rajonin e Nerodimes verën e vitit 1999, sipas Ministrisë së Punëve të Jashtme dhe Diasporës të Kosovës (MPJD).

Ramadani, sipas MPJD-së, ka qenë anëtar i Zonës Operative të Nerodimes të UÇK-së.

Gjatë një vizite në pikëkalimin kufitar të Tabanovcit më 25 korrik, ministri i Brendshëm i Serbisë, Ivica Daçiq, i kishte kërkuar Shkupit që ta ekstradonte Ramadanin në Serbi.

Çështja e ekstradimit të tij u ngrit edhe gjatë vizitës të ministrit të Punëve të Brendshme të Kosovës, Xhelal Sveçla në Shkup më 31 korrik. Sveçla deklaroi se Shkupi duhet të vendosë në mënyrë të pavarur për këtë çështje dhe akuzoi Serbinë se dëshiron të prishë raportet mes shteteve të Ballkanit Perëndimor.

Së fundi, autoritetet në Serbi kanë arrestuar edhe katër shtetas të Kosovës, të cilët Beogradi i ka akuzuar për krime lufte.

Autoritetet kosovare e kanë cilësuar si arbitrar dhe të padrejtë arrestimin në Serbi të qytetarëve kosovarë për këto akuza dhe kanë kërkuar ndihmën e faktorit ndërkombëtar për lirimin e tyre.

Në fillim të korrikut, ministrja e Drejtësisë, Albulena Haxhiu, përmes një letre dërguar homologes serbe, kërkoi transferimin e shtetasve të Kosovës, që po mbahen në Serbi.

Megjithatë, Haxhiu deklaroi se vështirë se Serbia do t’i përgjigjet kërkesës së autoriteteve kosovare për ekstradimin e shtetasve të Kosovës, për shkak të mosbashkëpunimit të vazhdueshëm juridik.

Kryeministri i Kosovës, Albin Kurti, ka deklaruar se shteti i tij ka juridiksion të njohur ndërkombëtarisht mbi trajtimin e veprave që kryhen brenda territorit të saj.

Serbia, në strategjinë e vet kombëtare 2021-2026 për ndjekje të krimeve të luftës, pretendon se ka juridiksion për të vënë drejtësi për krimet e kryera gjatë konflikteve të armatosura në vitet ’90.

Kosova dhe Serbia arritën Marrëveshje për Ndihmë të Ndërsjellë Juridike, më 2013, me ndërmjetësimin e Bashkimit Evropian, por bashkëpunim mes tyre për rastet e krimeve të luftës nuk ka pasur pothuajse fare.

You Might Also Like

Arrestohet një person për falsifikim të parasë

Trumpi thotë se `javët e fundit është marrë me Kosovën dhe Serbinë`

Policia e Kosovës kërkon anëtarësim të plotë në SEPCA

Ambasada gjermane mbështet protestën e Shoqërisë Civile te Kuvendi RTKlive

Kurti me emisarin norvegjez diskutojnë për bashkëpunim në siguri e mbrojtje

TAGGED: #Arratisje, #Blerim Ramadani, #Maqedonia e Veriut, #Serbia
Kosova Times August 15, 2024
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Rajon / Botë

Sulmi i Izraelit ia ka dobësuar Iranit kapacitetet mbrojtëse dhe sulmuese

Kosova Times Kosova Times November 5, 2024
Moti në Shqipëri
Miku i Putinit mendon per rifillimin e Nord Stream 2
Një vit nga sulmi në Banjskë: Pyetje pa përgjigje dhe hetime në Prishtinë e Beograd
Prigozhin akuzoi Ministrinë Ruse të Mbrojtjes se po përpiqet të shkatërroje Wagner
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?