Federata e Pingpongut e Kosovës do të jetë nikoqire e turneut prestigjioz të pingpongut WTT YOUTH CONTENDER PRISHTINA 2024, 24-27 TETOR https://worldtabletennis.com/eventInfo?eventId=2958).
“Është hera e parë që një turne i nivelit të tillë të organizohet në Kosovë, që është një mirënjohje e madhe për FPPK-në. Në turne marrin pjesë lojtarë nga e gjithë Bota dhe bënë pjesë në radhën e turneve që poentohen për rangim të përgjithshëm për të rinj në ITTF”, thuhet në komunikatën e FPPK-së.
Tutje thuhet se, është vendosur që Arena e këtij turneu të jetë Pallati i Rinisë dhe Sporteve në Prishtinë, e cila do ti mirëpres pingpongistët më të mirë të rinj nga 24 deri më 27 Tetor të këtij viti.
“Njëherit ky turne, do të jetë si uverturë për turneun e madh për të rritur WTT FEEDER që do të mbahet po ashtu në Prishtinë, nga 28 Tetor deri më 1 Nëntor 2024”.
Garat do të organizohen në konkurrencën individuale për grup-moshat:
U11-21 lojtarë;
U13 – 24 lojtarë;
U15 – 32 lojtarë;
U17 – 32 lojtarë;
U19 – 32 lojtarë;
si dhe në çifte të përziera për: U15 dhe U19. /Kosovatimes/
