Deputeti i LDK-së, Driton Selmanaj, ka kritikuar ashpër Ministren e Arsimit, duke e akuzuar për shkelje të Kushtetutës dhe për dështime të mëdha si drejtoreshë në Komunën e Prishtinës. Sipas tij, në vend që të marrë përgjegjësi për dështimet në reformën arsimore dhe për procesin e papërmbushur të vitit të kaluar, ministrja po “krenohet me varfërinë e familjeve kosovare.”
Selmanaj theksoi se fakti që 60,000 prindër kanë aplikuar brenda 24 orëve për ndihma financiare tregon se familjet në Kosovë nuk mund të përballojnë një shpenzim shtesë prej 80-100 eurosh në muajin shtator.
http://199.192.21.43/2024/08/15/nagavci-60244-prinder-aplikuan-per-subvencionimin-e-teksteve-shkollore/
“Me këtë ritëm, një ditë do të lavdëroheni se sa mijëra qytetarë kanë aplikuar për ndihma sociale,” paralajmëroi ai.
Ai gjithashtu shtoi se kjo qasje qeverisëse nuk bën asgjë tjetër veçse promovon varfëri, mos zhvillim dhe një mentalitet të dorëzimit përballë sfidave ekonomike. /Kosovatimes/
