Ka shkuar në vazhdime ndeshja në mes të Larnes dhe Ballkanit që po luhet në kuadër të rrethit të tretë kualifikues për në fazën e grupeve të Ligës së Konferencës, pasi koha e rregullt përfundoi 1-0 për tanët, por që është një barazim nga rezultati i përgjithshëm (1-1).
Fillimisht, ndeshjen më mirë e nisi kampioni i Kosovës, duke rrezikuar me anë të Queven në minutën e shtatë, por që goditja e tij u bllokua.
Larne rrezikoi me anë të Gallagher (12’), mirëpo goditja e tij përfundoi jashtë.
Kryeziu dhe Hamidi kishin raste të mira shënimi pas gjysmë ore lojë, ndërsa nuk ia dolën t’i konkretizonin me gol.
Ballkani kërkoi me ngulm golin e barazimit në këta 45 minutat e parë, dhe arriti ta thyente mbrojtjen vendase në minutën e 45-të.
Hamidi realizoi për 1-0 nga penalltia, duke i barazuar shifrat në 1-1, pasi kishin humbur me 1-0 në ndeshjen e parë.
Në 45 minutat e dytë, sërish kishte raste për të dyja anët, mirëpo nuk pati gola.
Iniciativën e patën vendasit, duke bërë disa gjuajtje, por Enea Koliçi ishte në nivelin e lartë të detyrës.
Adetunji i Ballkanit rrezikoi në minutën e 65-të, mirëpo portieri Ferguson i Larnes bëri një pritje fantastike.
Edhe Ismajlgeci testoi portierin e skuadrës nga Irlanda e Veriut, por që sërish pa sukses.
Dy skuadrat u pajtuan disi që ndeshja të shkojë në vazhdime, ndërsa do të jetë një 30 minutash i luftuar nga të dyja anët, për të tentuar shmangien e penalltive.
