Kryeshefi i Termokos-it, Fisnik Osmani, ka njoftuar se ekipet e kompanisë po bëjnë përgatitjet e fundit për fillimin e sezonit të ngrohjes.
“Me qëllim të sigurimit të funksionimit optimal gjatë periudhës së dimrit, po kryhen kontrolle të detajuara dhe mirëmbajtje e të gjitha nënstacioneve”, ka shkruar Osmani.
Sipas tij, Termokos synon të ofrojë një shërbim të qëndrueshëm dhe efikas për të gjithë qytetarët, duke kontribuar në një Prishtinë të gjelbër dhe të qëndrueshme. /Kosovatimes/
