Dy alpinistë kanë vdekur sot pasi kanë rënë më shumë se një mijë metra në Matterhorn zviceran, njoftoi policia, transmeton Hina.
Dy burrat, kombësia e të cilëve ende nuk është bërë e ditur, u nisën herët të premten nga një strehë mbi Zermatt për t’u ngjitur në Matterhorn, tha policia.
“Për arsye që hetimi do të përpiqet të përcaktojë, dy alpinistët mesa duket kanë rënë më shumë se një mijë metra”, tha policia. “Identifikimi formal është në proces”.
E vendosur pranë kufirit me Italinë, Matterhorn është një nga majat më të famshme të Zvicrës.
Është 4478 metra e lartë dhe është ngjitur për herë të parë në vitin 1865.
