Presidentja e Kosovës, Vjosa Osmani, ka reaguar fuqishëm ndaj asaj që e quan një propagandë të paprecedentë të iniciuar nga Berat Buzhala dhe gazeta online “Nacionale”.
Osmani ka bërë të ditur se ajo dhe bashkëshorti i saj nuk kanë asnjë lidhje me rrethanat e vrasjes së ndodhur së fundmi, duke e cilësuar përhapjen e këtyre dezinformatave si një tentativë të qëllimshme për të nxitur urrejtje dhe dhunë.
Ajo ka kërkuar që institucionet e sigurisë dhe drejtësisë të hetojnë urgjentisht këtë çështje dhe veprimet e portaleve të përfshira, duke i akuzuar për përpjekje të rrezikimit të jetës së saj dhe familjes së saj. /Kosovatimes/
