Tre persona janë lënduar si pasojë e një aksidenti që ka ndodhur në Lipjan rreth orës 11:00.
Lajmin e ka bërë të ditur Zëdhënësja e Policisë për rajonin e Prishtinës, Flora Ahmeti. Ajo tha se në aksident janë përfshirë 4 automjete.
“Sot rreth orës 11:00 kemi pranuar informatën se në Lipjan ka ndodhur një aksident trafiku. Në këtë aksident kanë qenë të përfshira 4 automjete. (Dy automjete në lëvizje dy të parkuara). Si pasojë e aksidentit lëndime trupore kanë pësuar tre persona. Me rastin po merret hetuesia nga njësiti i trafikut rrugor”, tha Ahmeti.
