Dy persona mbetën të vrarë nga të shtënat që ndodhën sot në fshatin San Candido, në Tirolin e Jugut, pas së cilës i dyshuari u barrikadua në banesë derisa të mbërrinte policia.
Sipas mediave lokale, i dyshuari ka vrarë një grua (50) nga lagjja dhe babain e tij (90). Sipas dëshmitarëve okularë, burri ka nisur të qëllojë rreth mesnatës, ndërsa gjakderdhja ka vazhduar edhe në orët e mëngjesit.
Pas vrasjes, i dyshuari është barrikaduar në banesë derisa ka mbërritur policia, më pas ka pasur shkëmbim zjarri me forcat speciale. Karabinierët gjetën trupin e babait të të dyshuarit në banesë.
Mann erschießt in Südtirol eine Frau und verschanzt sich https://t.co/Lgjz69AXV3 pic.twitter.com/8bzlmvJ6t5 — WELT (@welt) August 18, 2024 “>
Sipas mediave, dyshohet se i dyshuari (50) është djali i një ish-lojetari, i cili sipas fqinjëve kishte nevojë për kujdes. Sipas raportimeve të mediave, burri dikur punonte për një kompani private sigurie.
Banorët u paralajmëruan të mos dilnin nga shtëpitë e tyre, gjë që u hoq pas përfundimit të aksionit. Aktualisht nuk ka asnjë konfirmim se si dhe pse ndodhi kjo tragjedi.
