Legjenda e filmit francez Alain Delon ka vdekur në moshën 88-vjeçare, thanë tre fëmijët e tij në një deklaratë për AFP të dielën, pas një beteje me sëmundjen.” Alain Fabien, Anouchka, Anthony , si dhe (qeni i tij) Loubo , njoftojnë vdekjen e babait të tyre me pikëllim të thellë. Ai ndërroi jetë i qetë në shtëpinë e tij në Douchy, i rrethuar nga tre fëmijët e tij dhe familja e tij,” thuhet në deklaratë. . Familja kërkon privatësi.
Për dekada, Delon ishte njeriu më joshës në kinemanë botërore, një maço i pashëm me sy blu të mprehtë. Një nga aktorët më të famshëm dhe më karizmatikë në historinë e kinematografisë jo vetëm franceze, por edhe botërore, përveç një karriere të jashtëzakonshme, ai kishte edhe një jetë private magjepsëse, sidomos kur bëhet fjalë për femrat.
Për shkak të pamjes së tij, ai u quajt versioni francez i James Dean, por edhe versioni mashkullor i Brigitte Bardot, me të cilën pati një lidhje të shkurtër dashurie.
