Presidenti rus Vladimir Putin nënshkroi të hënën një dekret “Për ofrimin e mbështetjes humanitare për individët që ndajnë vlerat tradicionale shpirtërore dhe morale ruse”. Kjo e bën më të lehtë për të huajt të lëvizin në Rusi, të cilët, siç thotë dokumenti, nuk ndajnë “ideologjinë shkatërruese neoliberale”.
Sipas dokumentit, të huaj të tillë do të mund të marrin një leje qëndrimi ruse jashtë kuotave të vendosura nga qeveria. Ata gjithashtu nuk do të kenë nevojë të provojnë njohuritë e tyre për gjuhën dhe historinë ruse.
Dekreti nuk specifikon se si saktësisht ata që dëshirojnë ta bëjnë këtë do të duhet të dëshmojnë përkushtimin e tyre ndaj vlerave tradicionale dhe mosrespektimit të politikave liberale.
Ministria e Punëve të Jashtme është udhëzuar që në të ardhmen e afërt të përgatisë një listë të vendeve që pretendohet se imponojnë “udhëzime ideologjike shkatërruese neoliberale” mbi banorët e tyre.
