Sami Kurteshi ka njoftuar se më 20 gusht 2024 do të merret në pyetje nga Prokuroria Speciale e Kosovës lidhur me deklaratat e tij në konferencën për media për rastin e Astrit Deharit.
Kurteshi ka pranuar thirrjen nga Drejtoria për Hetimin e Krimit të Organizuar dhe Krimeve të Rënda, me autorizimin e prokurorit special Bekim Kodraliu.
Ky zhvillim vjen pas marrjes në pyetje të Ministres së Drejtësisë Albulena Haxhiu për deklarimet e saj publike lidhur me rastin Dehari.
Kurteshi shtron dy pyetje kyçe: A po rifillon hetimi për rastin Dehari apo po bëhet përpjekje për të humbur gjurmët? Pavarësisht këtyre, ai beson se drejtësia për Astritin do të triumfojë. /Kosovatimes/
