Familja e tij dëshiron që ata të takohen dhe të flasin për sjelljen e saj, dhe megjithëse të gjithë e këshillojnë të kërkojë falje, ajo nuk mund ta bëjë këtë.
Gruaja u gëzua pa masë kur i dashuri i propozoi pas tetë vitesh lidhje. Mirëpo, siç e ka ndarë në një postim në Reddit, përgatitjet për dasmën dhe vetë dasmën u kthyen në një tmerr të vërtetë, për këtë arsye e la të shoqin vetëm 12 orë pas ceremonisë!
“Ne vijmë nga familje të ndryshme. Në fillim ishim në një lidhje në distancë, përpara se të shkoja në një vend tjetër dhe të filloja të jetoja me të. Ai është shumë i lidhur me familjen e tij, gjë që shpesh shkaktonte probleme në marrëdhënien tonë. Edhe pse vendosëm disa kufij dhe situata u përmirësua, pas fejesës gjithçka shkoi keq”, thotë ajo dhe shton:
“Doja një dasmë të vogël, intime në një destinacion të bukur, por familja e tij e refuzoi menjëherë atë propozim dhe donte një dasmë të madhe afër qytetit të tij”. Unë u pajtova, ndonëse pa dëshirë, por problemi nuk ishte me kaq. Ditën e dasmës, pati një debat të ashpër me familjen e tij për ndryshimet e tyre në minutën e fundit – ata ndërruan kompozimet e luleve që kisha kaluar muaj duke zgjedhur, hodhën dekorimet e mia të bëra me dorë dhe ndryshuan ngjyrën e mbulesës së tavolinës. Me gjithë këtë, nuk mora asnjë mbështetje nga burri im i ardhshëm”.
Në fund të fundit, nata e parë e martesës përfundoi me neglizhencën e saj dhe ajo vendosi të largohej dhe të kalonte ditët në vijim me një mik. Ajo nuk foli me familjen e tij për muaj të tërë dhe ata filluan të vizitonin një terapist familjar.
Tani, familja e tij kërkon që ata të takohen dhe të flasin për sjelljen e saj dhe edhe pse të gjithë e këshillojnë të kërkojë falje, ajo nuk ia del dot. “Nuk dua të marr të gjithë fajin mbi veten time dhe të pretendoj se sjellja e tyre nuk më lëndoi mua”. Nuk di si ta zgjidh këtë problem”, ka përfunduar ajo, sipas Mirror.
