Ministrja e Drejtësisë, Albulena Haxhiu, deklaroi se miratimi i standardeve profesionale për përmbaruesit privatë shënon një hap të rëndësishëm.
Haxhiu u shpreh se Ministria që ajo drejton angazhohet për të siguruar që qytetarët dhe bizneset në Kosovë të kenë qasje në shërbime përmbarimore të cilësisë më të lartë.
Më tej, ministrja theksoi se këto standarde janë rezultat i një bashkëpunimi të ngushtë mes këtij dikasteri, Odës së Përmbaruesve Privatë dhe Programit për Drejtësi Komerciale të USAID-it.
