Fisnik Osmani, kryeshefi i “Termokos”, ka njoftuar se kompania po vazhdon me realizimin e planit aksional, duke kryer testimet në sistemet e kontrollit automatik të nënstacioneve.
“Ky sistem i automatizuar lejon monitorim dhe menaxhim të saktë të temperaturave, duke garantuar shpërndarje të qëndrueshme të ngrohjes për të gjithë konsumatorët”, ka shkruar Osmani.
Ai ka thënë se, përmes kësaj teknologjie të avancuar, “Termokos” ka arritur të ulë kostot operative dhe të përmirësojë cilësinë e shërbimit për qytetarët, duke i dhënë kuptim vizionit për një Prishtinë më të gjelbër. /Kosovatimes/
