Dy persona janë therur me thikë mbrëmjen e sotme rreth orës 21:20 në Prishtinë. Rastin për RTKlive e ka konfirmuar, zëdhënësja e Policisë së Kosovës për rajonin e Prishtinës, Flora Ahmeti.
“Bazuar në të dhënat fillestare, në këtë rast nga një mjet i mprehtë janë lënduar dy persona”, ka thënë Ahmeti.
Ajo njoftoi se të lënduarve u është ofruar trajtim mjekësor, ndërkohë që policia ka nisur një hetim lidhur me rrethanat e këtij rasti.
Zëdhënësja Ahmeti theksoi se lidhur me rastin në fjalë është identifikuar një person i dyshuar i cili është në kërkim nga ana e policisë.
