Mosha dhe lëndimet janë gjëra jashtë kontrollit tonë që mund të luajnë nje rol ne shendetin e kyqeve.
Megjithatë, ne kemi një ndikim në të ushqyerit.
“Ushqyerja mund të luajë një rol të rëndësishëm në përmirësimin e shëndetit të kyçeve. “Shumë nga pacientët e mi kanë parë një përmirësim të ndjeshëm të inflamacionit pasi kanë ndryshuar disa zakone dhe kanë filluar të ushqehen më shëndetshëm”, thotë reumatologu James Topilow.
Siç shpjegon doktor Topilou për Parade, pesha e tepërt ushtron stres shtesë në kyçe, duke rritur rrezikun e dhimbjes dhe dëmtimit. Ai beson se prandaj është e rëndësishme t’i kushtohet vëmendje vaktit të parë të ditës.
Ai konsumon një kombinim kosi grek, manaferra, fara chia dhe arra të grira.
“I pasur me acide yndyrore omega-3, antioksidantë dhe fibra, ky mëngjes ndihmon në reduktimin e inflamacionit dhe mbështet shëndetin e kërcit”, thekson ai.
Një studim i vitit 2019 me afro 1500 pacientë me artrit reumatoid zbuloi se ata që morën suplemente yndyrore omega-3 raportuan më pak dhimbje dhe ënjtje të kyçeve. Një studim tjetër, i publikuar në vitin 2020, tregoi se acidet yndyrore omega-3 mund të ndihmojnë në parandalimin ose zvogëlimin e rrezikut të zhvillimit të artritit dhe ndihmojnë në trajtimin e artritit reumatoid, transmeton Index.hr.
Manaferrat janë një burim i mirë i fibrave, të cilat mund të ndihmojnë në reduktimin e inflamacionit, i cili mund të ngadalësojë përparimin e artritit reumatoid. Përveç kësaj, jogurti grek është i pasur me kalcium, i cili ndihmon në forcimin e kockave dhe kërcit, të cilat janë thelbësore për nyje të shëndetshme.
Dr. Topilou rekomandon gjithashtu smoothie anti-inflamatore. Ai përmban spinaq, banane, qumësht bajame, shafran i Indisë, xhenxhefil dhe një lugë pluhur proteinash. Ju gjithashtu mund të hani tërshërë ose bukë të thekur me drithëra të plota me avokado, salmon të tymosur dhe domate qershi.
Nëse preferoni fruta, një kombinim i papajës, mangos, ananasit, thekoneve të kokosit dhe mjaltit është gjithashtu i shkëlqyeshëm për reduktimin e dhimbjeve dhe ngurtësimit të kyçeve.
