Një grup serbësh në një plazh në ishullin grek të Vidos vendosën të hidhnin shezlongët në det të revoltuar për shkak të vendit ku ishin vendosur. Megjithatë, ata keqinterpretuan diçka.
“Kumbari im në veprim. Po hedhim shezllone. Ata vendosën shezllone në vend të shenjtë. Jemi Kuljani”, ka komentuar shkurt njeriu që ka marrë videon nga një prej plazheve të ishullit Vido, duke zmadhuar memorialin në fund.
Videoja tregon një burrë që bën një sherr mes shezlloneve. Disa thjesht i përmbys, e disa i hedh edhe në det.
“Korporata amerikane mori me qira të drejtën e përdorimit të tokës dhe ndërtoi një plazh, kundër të cilit po luftojnë edhe grekët. Kryetari aktual i Korfuzit (Kerkyra) erdhi një orë pas nesh dhe urdhëroi që të hiqen shezlongët. Por qiramarrësit janë këmbëngulës, por edhe ne duhet të jemi këmbëngulës”, ka shkruar përdoruesi i Facebook-ut që ka postuar videon.
Në komente, veprimet e videografit dhe kumbarit të tij u mbështetën nga përdorues të shumtë të rrjeteve sociale. Disa kërkuan përfshirje më të madhe të autoriteteve serbe për të mbrojtur zonën.
Videoja është shpërndarë edhe në faqen “Grčka živovo” me mesazhin: “Zgjohu Serbi! Gjyshi im nuk do ta falte këtë…”
Megjithatë, pllaka përkujtimore e vendosur pas atij plazhi nuk ka të bëjë me vuajtjet në Luftën e Parë Botërore, por është vendosur në kujtim të rusëve dhe grekëve që vdiqën gjatë luftes ne Korfuz në 1799. Në atë vend u vendosën dy direkë, në të cilat flamuri grek dhe rus valojnë që nga viti 2011, kur u vendos pllaka. Flamuri rus është hequr për një kohë pas sulmit në Ukrainë, por është kthyer sërish, shkruan Blic.
https://www.facebook.com/reel/1937548196697143
