Legjenda e futbollit italian, Arrigo Sacchi, mendon se Atalanta ka potencial të jetë në mesin e skuadrave që do të ‘luftojnë’ për titull të kampionit në Serie A.
Sipas tij, skuadra nga Bergamo është një ekip i kompletuar që drejtohet nga një trajner i madh.
“Është një ekip i kompletuar, ka një trajner të madh që është strateg. Është një skuadër serioze”, ka thënë Sacchi.
“Nëse e shikojmë në aspektin ekonomik dhe parat që investojnë klubet gjatë tregut, atëherë mund të them se Atalanta nuk mund të luftojë për titull, po jam i bindur se kjo skuadër mund të përfshihet në garën për Scudetto”, ka pohuar ikona e futbollit italian.
