Presidenti ukrainas Volodymyr Zelensky vizitoi papritur rajonin ukrainas të Sumy, i cili kufizohet me rajonin Kursk të Rusisë.Së bashku me komandantin e tij të përgjithshëm të ushtrisë, gjeneralin Oleksandr Sirsky, ai vizitoi Sumy-n dy javë pas inkursionit të ushtrisë ukrainase në rajonin fqinj rus të Kurskut. Zelensky tha në Sumy se forcat ukrainase morën kontrollin e një fshati tjetër në rajonin rus dhe kapën disa ushtarë rusë.
Zyrtarët e Kievit thanë më parë se ata kontrollojnë më shumë se 90 vendbanime në Kursk. Kursk është një nga dy frontet e rëndësishme në luftën midis Ukrainës dhe Rusisë. E dyta është në Ukrainën lindore në rajonin e Donetskut, ku forcat ruse po bëjnë përparim të ngadalshëm, por të paepur.
