Federata e Futbollit të Kosovës (FFK) ka mirëpritur kryesinë e re të klubit KF “Vllaznia”, në krye me kryetarin Halit Alidema. Në një takim të rëndësishëm me kryetarin e FFK-së, Agim Ademi, u diskutuan planet e reja të klubit dhe sfidat që e presin në vazhdim.
“Kemi besim të plotë në kryesinë e re të KF “Vllaznia” dhe do t’i ofrojmë mbështetje të plotë si federatë,” tha Ademi, duke theksuar rëndësinë e transparencës dhe sinqeritetit në planet punuese të klubit.
Nga ana tjetër, kryetari i klubit, Halit Alidema, u shpreh i kënaqur me mbështetjen e kreut të FFK-së, duke shtuar: “Pritja e ngrohtë dhe përkrahja që na është premtuar do të jetë një motiv i madh për ne, ndërsa përballemi me sfidat që na presin.”
Kjo mbështetje është përshëndetur edhe nga dashamirët e futbollit dhe qytetarët e Pozheranit, të cilët presin me padurim një rikthim të ditëve të mira për KF “Vllaznia”. /Kosovatimes/
