Prokurorët GJERMANë po hetojnë një seri fluturimesh me dron mbi infrastrukturën kritike në Gjermaninë veriore për aktivitet të dyshuar spiunazhi. “Prokuroria publike në Flensburg ka nisur një hetim paraprak për shkak të dyshimit për sabotim. Për momentin nuk mund të japim më shumë detaje rreth hetimit për shkak të çështjeve të sigurisë së shtetit”, tha prokurori publik Bernd Winterfeldt.
Gazeta Bild, e cila raportoi fillimisht për hetimin, citoi një raport të brendshëm të policisë që thoshte se zona e ndalim-fluturimit mbi termocentralin bërthamor ishte shkelur disa herë këtë muaj.
Dronët rusë?
Bild shton se policia kriminale shtetërore e Schleswig-Holstein supozon se janë drone rusë Orlan-10, të cilët kanë një rreze veprimi nga 500 deri në 600 kilometra dhe mund të fluturojnë mbi 100 kilometra në orë. Zëdhënësi i policisë kriminale të shtetit refuzoi të komentojë këto pretendime, shkruan Reuters.
Gjermania, një nga furnizuesit më të mëdhenj të ndihmës ushtarake për Ukrainën, është në gatishmëri për sabotim të mundshëm. Kohët e fundit mbylli një bazë ushtarake për shkak të dyshimit të kontaminuar të ujit të rubinetit, i cili doli të ishte i rremë. Në prill, dy shtetas gjermano-rusë u arrestuan me dyshimin se po planifikonin sulme sabotuese.
