Ish-kryeministri Avdullah Hoti ka kritikuar ashpër qeverisjen e Albin Kurtit dhe Vjosa Osmanit, duke theksuar se Kosova po shndërrohet sërish në një çështje të sigurisë për aleatët euro-atlantikë.
Hoti theksoi se për vite të tëra, qeveritë e mëparshme kishin punuar për të larguar Kosovën nga lista e vendeve me probleme të sigurisë dhe për ta afruar me integrimet euro-atlantike, duke marrë vendime të vështira dhe të jopopullore, por të domosdoshme.
Sipas tij, dogmat politike të qeverisjes aktuale dhe konfrontimi i saj me aleatët kryesorë po rrezikojnë të ardhmen e vendit, duke i dhënë Serbisë mundësinë për të destabilizuar rajonin.
Ai theksoi se në vend të forcave të sigurisë, në Kosovë duhet të vijnë kompani amerikane dhe evropiane për projekte zhvillimore të mëdha, siç ishte parashikuar në Marrëveshjen e Washingtonit të vitit 2020. /Kosovatimes/
