Policia ka bërë të ditur se një grabitje nën kërcënimin e armës ka ndodhur sot në rrugën “Gazmend Zajmi” në Prishtinë, në një institucion mikrofinanciar.
“Sot rreth orës 08:30 është raportuar për një grabitje të ndodhur në një institucion mikrofinanciar, në rrugën ‘Gazmend Zajmi’ në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i maskuar nën kërcënim të armës ka grabitur një shumë të parave”, ka thënë zëdhënësja e Policisë për rajonin e Prishtinës, Flora Ahmeti.
Sipas saj se policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar.
