Zyrtarët e doganave amerikane ndaluan një kamion në kufirin SHBA-Meksikë, i cili kontrabandonte më shumë se 5 milionë dollarë të drogës metamfetaminë të fshehur në shalqinj.
Droga ishte e mbështjellë me një plastikë të ngjyrosur në dy nuanca të gjelbërta që t’i ngjante frutave dhe u vendos mes shalqinjve të vërtetë.
Janë sekuestruar më shumë se dy ton metamfetaminë në gjithsej 1220 pako.
Fshehja e drogës në ushqim, siç shkruan BBC, është një mënyrë e zakonshme e kontrabandës së substancave të paligjshme përtej kufijve dhe më të njohurat janë bananet, por kohët e fundit lëndë narkotike është gjetur te djathi dhe avokado.
Zyrtarët e Doganave dhe Mbrojtjes Kufitare të SHBA thanë se agjentët e tyre ndaluan kamionin me rimorkio në kufirin me Meksikën në Otay Mesa.
Nga letrat rezultonte se shoferi po transportonte një ngarkesë me shalqinj, por nga këqyrja u zbuluan pako me metamfetaminë.
Drejtuesi i mjetit iu dorëzua zyrtarëve të Ministrisë së Sigurisë së Brendshme.
Kjo konfiskim ndodhi një javë pasi zyrtarët në të njëjtën pikë kufitare zbuluan pothuajse 300 kg metadon në një ngarkesë selino.
Të dyja konfiskimet kishin një vlerë totale prej 6 milionë dollarësh, shkruan CBS News.
