Në NOVI Sad mbrëmë rreth orës 02:30 ka shpërthyer një zjarr i madh në një shtëpi familjare në kryqëzimin e rrugës “Gjorgja Dera” dhe rrugës “David Rackovic” në lagjen “Salajka”. Siç raporton Telegrafi , të paktën gjashtë persona kanë vdekur, por kërkimet për kufomat vazhdojnë.
Sipas informacioneve të para, të vdekurit janë mbytur dhe dyshohet se mes tyre ka edhe të mitur. Një pjesë e mediave serbe kanë raportuar se dyshohet se ka vdekur një familje gjashtë anëtarëshe, por dyshohet se në shtëpi ka pasur edhe persona të tjerë.
Në vendngjarje ndodhen policia, zjarrfikësit dhe ambulanca. Hetimet e policisë janë duke vazhduar.
