Ish-drejtori i Institutit Kombëtar të Alergjisë dhe Sëmundjeve Infektive në SHBA, Anthony Fauci, u shtrua në spital për infeksion nga virusi i Nilit Perëndimor dhe tani po shërohet në shtëpi, tha sot zëdhënësi i tij.
Një zëdhënës i tha ABC News se Fauci pritet të shërohet plotësisht.
Fauci shërbeu deri në vitin 2022 si drejtor i Qendrave Amerikane për Kontrollin dhe Parandalimin e Sëmundjeve (CDC), e cila menaxhoi krizën gjatë pandemisë Covid-19.
Pavarësisht tërheqjes së tij nga CDC, republikanët e Dhomës në qershor thirrën Fauci për një seancë dëgjimore mbi veprimet e tij gjatë pandemisë dhe ligjvënësit republikanë akuzuan mjekun për fshehjen e origjinës së virusit.
Fauci i mohoi këto akuza, duke thënë se ato ishin “thjesht të pakuptimta”, kujton Guardian.
