Domethënë, Duda iu referua kohërave kur trupat sovjetike ishin vendosur në Poloni.
“Ishte një lloj pushtimi sepse ata ishin vendosur pa pëlqimin tonë. Ne si të rinj bërtisnim në demonstrata: “Sovjetë, shkoni në shtëpi”. Një slogan i tillë ekziston edhe në Ukrainë, por ka të bëjë me anijet ruse”, tha Duda.
Ai foli edhe për atë që mund t’u premtojë ushtarëve rusë nëse tërhiqen nga Ukraina.
“Nëse rusët bëjnë atë që duhet të bëjnë, pra të shkojnë në shtëpi dhe të tërheqin trupat e tyre nga Ukraina, unë do të jem i pari që do të marr telefonin dhe do të telefonoj Zelensky dhe do t’i them: Mos i bombardoni ndërsa po tërhiqen. Këtë mund t’ua premtoj rusëve”, tha Duda.
Reagimi i Zelenskit ndaj kësaj deklarate pasoi shumë shpejt.
“Po sikur të jetë i zënë? Ju më telefononi dhe telefoni është i zënë? Kjo ndodh me presidentët”, tha Zelenski me shaka.
Pak më parë, presidenti i Ukrainës, Volodymyr Zelensky, u ka dërguar një mesazh urimi bashkatdhetarëve të tij me rastin e 33-vjetorit të pavarësisë së vendit dhe tha se gjithçka që ai bën në Ukrainë do t’i kthehet Rusisë si një bumerang.
“Sot ne festojmë 33-vjetorin e Pavarësisë së Ukrainës. Dhe gjithçka që armiku solli në vendin tonë tani është kthyer në shtëpinë e tij. Dhe kushdo që donte ta kthente vendin tonë në një zonë tampon, duhet të mendojë që vendi i tij të mos bëhet një federatë tampon. “, deklaroi Zelenski.
