DJE në Gjermani ka ndodhur një sulm me thikë në një festival në qytetin e Solingen. Tre persona u vranë dhe sulmuesi u arratis. Një kërkim i gjerë i policisë është duke u zhvilluar.
Policia gjermane thotë se ka arrestuar një person në lidhje me një sulm me thikë në Solingen. Arrestimi është bërë “në kuadër të kërkimit për të dyshuarin”, njoftoi policia në Dusseldorf, duke shtuar se po kontrollon nëse ka lidhje me sulmin.
Një sërë masash policore po kryhen njëkohësisht, duke përfshirë kontrolle në lokacione të ndryshme, njofton policia. Ata thonë gjithashtu se po vijojnë kërkimet për autorë të tjerë të mundshëm dhe hetimet për motivin e sulmit.Sulmuesi ende nuk është gjetur. Një gazetar i DPA nga vendi i ngjarjes tha se njësitet speciale të policisë janë duke kontrolluar qytetin.
Në orën 15:00, policia duhet të mbajë një konferencë për shtyp për të informuar publikun për ecurinë në hetimin e sulmit në Solingen.
Së bashku me përfaqësues të policisë dhe kryetarin e bashkisë së Solingenit, Timo-Oliver Kurzbach, në konferencë do të jetë edhe prokurori.
Ministri gjerman i Ekonomisë Robert Habeck dhe Ministrja e Jashtme Annalena Baerbock shprehën keqardhje për sulmin në Solingen.
“Dhuna ndaj njerëzve që duan të festojnë me gëzim është diçka për t’u dënuar,” tha Habeck, i cili është gjithashtu zëvendës kancelari, në Berlin.
Ajo u uroi forcë dhe rehati të dashurve të të vrarëve në sulm, ndërsa të plagosurve shërim të shpejtë. “Është mirë që policia tani po bën gjithçka për të gjetur sa më shpejt autorin”, shtoi ajo.
Baerbock shkroi në Xu, më parë në Twitter, se mendimet e saj janë me familjet dhe miqtë e viktimave. Falënderoj forcat e rendit dhe ligjit që janë në kërkim të autorit”, ka shkruar ajo.
Ndonëse policia ende nuk ka bërë të ditur identitetin e të vrarëve në sulmin në Solingen, mediat gjermane raportojnë se ata ishin dy burra dhe një grua. Nuk ka të dhëna për identitetin e të plagosurve apo gjendjen aktuale të tyre.
Sulmi, raporton Deutsche Welle, ka ndodhur para skenës.
