Është arrestuar një person për dhunë në familje dhe mbajtje në pronësi, kontroll apo posedim i paautorizuar i armëve.
Policia në Ferizaj ka bërë të ditur se sot rreth orës 16:45 ka pranuar një informacion se në rrugën “Lidhja e Prizrenit” në këtë qytet është një rast i dhunës në familje.
“Policët e rendit dhe hetuesit e Njësisë së Dhunës në Familje menjëherë janë nisur në atë drejtim dhe kanë arritur të arrestojnë personin, mashkull kosovar, i moshës 30 vjeçar, i cili kishte shkaktuar dhunë ndaj bashkëshortes së tij. Gjatë hetimit të rastit nga i dyshuari është sekuestruar një armë zjarri me 6 fishekë”, thuhet në njoftim.
Sipas njoftimit, për të gjitha veprimet policore është njoftuar prokurori i shtetit dhe me vendim të tij, pas intervisitimit nga hetuesit policorë, i dyshuari për dhunë në familje është ndaluar në mbajtje për 48 orë për procedura tjera hetimore.
