Dogana e Kosovës ka bërë të ditur se ka parandaluar një rast kontrabandës me mallra në Jarinje.
Sipas njoftimit të Doganës, zyrtarët doganorë dhe policorë e kishin kontrolluar një kamion për të cilin dyshuan, shoferi i të cilit fillimisht kishte deklaruar se ishte i zbraztë dhe nuk po transporton mallra.
Kamioni ishte me targa të huaja dhe donte të hynte në Kosovë.
Gjatë kontrollit, në hapësirat e kamionit ku vendosen pajisjet është zbuluar mall i padeklaruar si birra rreth 750 litra, pije energjike rreth 200 litra, pije të gazuara rreth 120 litra, lëngje të ndryshme 350 litra.
Tutje në komunikatë thuhet se kamioni dhe malli janë sjellë me përcjellje në terminalin doganor dhe janë nën mbikëqyrje doganore deri në përfundimin e procedurave. /Kosovatimes/
