Përkujtohen të rënët e Brigadës 121 ‘Ismet Jashari-Kumanova’

Sot janë përkujtuar të rënët e brigadës 121 “Ismet Jashari – Kumanova”.

Në 26 vjetorin janë përkujtuar të rënët e brigadës 121 “Ismet Jashari – Kumanova”, në Kompleksin e varrezave të dëshmorëve në Kleçkë janë bërë homazhe dhe vendosje të kurorave me lule nga bashkëluftëtar, familjarë, qytetarë dhe përfaqësues të institucioneve të cilët duke kujtuar sakrificën dhe gjakun e derdhur për liri të vendit ripërsëritën se gjaku i dëshmorëve, gurëthemel i lirisë është dhe mbetet frymëzim për fuqizim të institucioneve.

Njëri ndër bashkluftarët, Fatmir Limaj tha se 25 gushti është̈ përmbledhje e gjithë asaj trimërie e dhimbje që kanë përjetuar tërë këto male te Berishës nën këtë brigadë, ku vet komandant Kumanova dha jetën për lirinë e Kosovës, dhe kjo është datë e shënuar për të gjithë dëshmorët e Brigadës 121, pavarësisht datës se kur kanë rënë bashkëluftëtarët tjerë.

Në këtë përkujtim kanë folur edhe bashkëluftëtar dhe dëshmitar të shumë ngjarjeve të trishta të historisë së re të Kosovës dhe luftës së UÇK-së në vitin 1998/99.