Sulmuesi u dorëzua në polici pothuajse 26 orë pas sulmit në festivalin në Solingen. Bild shkruan se i lagur nga shiu dhe i mbuluar me gjak, është afruar në polici pak pas orës 23:00 dhe i ka thënë: “Unë jam ai që kërkoni…”
Bild shkruan gjithashtu se ai dyshohet se fshihej në oborrin e ndërtesës.
Policia nuk e konfirmoi këtë informacion.Zëdhënësja e policisë ka konfirmuar deklaratat e gazetarit të portalit Der Spiegel se bëhet fjalë për një 26-vjeçar me origjinë nga Siria, i cili ka aplikuar për azil në Bielefeld në fund të vitit 2022. Shërbimet gjermane nuk e kishin në listën e personave me pikëpamje ekstreme islamike, shkruan DW .
