Agjencia për Informim dhe Privatësi e ka gjobitur Kompaninë Rajonale të Ujësjellësit “Prishtina” për Shkelje të Ligjit për Mbrojtjen e të Dhënave Personale
Deri te gjoba erdhi pas aknesave që kjo agjenci thotë se ka pranuar ankesa nga qytetarët të cilët kanë raportuar se ujësjellësi i kryeqytetit ka bërë shpërndarjen e faturave mujore për shpenzimin e ujit duke i ekspozuar të dhënat personale të konsumatorëve ndaj qasjes së personave të paautorizuar.
“Agjencia për Informim dhe Privatësi si autoritet i pavarur për mbikëqyrjen e zbatimit të Ligjit Nr. 06/L-082 për Mbrojtjen e të Dhënave Personale, pas shqyrtimit të ankesave, ka konstatuar se K.R.U “Prishtina” ka dështuar të ndërmarrë masat e duhura të sigurisë në përpunimin e të dhënave personale gjatë shpërndarjes së faturave për qytetarët, dhe ka shqiptuar gjobë ndaj K.R.U “Prishtina” Sh.A., për shkelje të Ligjit për Mbrojtjen e të Dhënave Personale”.
Një gjobë të tillë, gjatë javës së shkuar e mori edhe Kompania Kosovare për Furnizim me Energji Elektrike (KESCO).
Kjo kompani u gjobit me 20 mijë euro.